《致上一代:點解年輕人要搞事》— 繼續幫忙轉載(copy&paste)
當你係佢地嘅年紀時,申請公屋只要幾年就有,
而家,申請公屋,單身由18歲排到50歲都未上到樓,而同時間新移民可以極速上樓
《而你,問佢地點解要搞事》
當你係佢地嘅年紀時,政府正在將市民由木屋,臨屋帶上公屋,居屋。而家,政府話年輕人冇屋住,可以住橋底水管屋或者官民合辦嘅劏房
《而你,問佢地點解要搞事》
當你係佢地嘅年紀時,雖然未至於想買樓就買樓,但要解決居住問題都唔算難,有租務管制,租都租得起,再加各種置業資助計劃,冇幾多人會因為住屋問題而冇得結婚,而家,大把年輕人拍十年拖都唔敢結婚,就算結左分都要分開住,就係因為屋貴到租唔起買唔起
《而你,問佢地點解要搞事》
當你係佢地嘅年紀時,大學畢業起薪萬幾,食個早餐十幾蚊,而家,大學畢業起薪都係萬幾,但食個早餐係三四十蚊。
《而你,問佢地點解要搞事》
當你係佢地嘅年紀時,一個人做嘢可以養一家幾口
而家,兩口子做嘢都唔知夠唔夠養家
《而你,問佢地點解要搞事》
當你係佢地嘅年紀時,政府係鼓勵建設香港,為香港出一分力,成個香港朝氣勃勃
而家,政府係不斷叫年輕人去大灣區,香港冇前途架喇,但同時又不斷放中国人落黎
《而你,問佢地點解要搞事》
當你係佢地嘅年紀時,對住嘅係一個會重視人命嘅政府而家,對住嘅係一個若蓮喪子嘅政府,係一個老師自殺因為唔捱得,學生自殺因為冇做好生涯規劃,年輕人死諫被完全無視嘅冷血政府
《而你,問佢地點解要搞事》
當你係佢地嘅年紀時,港督夠膽單人匹馬落區食蛋撻,體察民情,而家,特首唔將方圓一公里封閉生人勿近都唔敢落區
《而你,問佢地點解要搞事》
·
·
·
《而你,繼續問佢地⋯點解要搞事》
今日看了這篇文章心中十分感慨!
沒有留言:
張貼留言